Transcription
1
Reçue à Montélimar, le 23 août 1573.
2
Monsieur de Gordes, jay receu votre lettre du IIe, avecques la coppie de celle que
3
vous avoit escript Montbrun, sur laquelle je faictz jugement quil semble
4
que ces gens icy veullent entretenir une forme et manière dassociation
5
et ligue pour estre tousiours ung corps capable et suffisant pour
6
entreprendre et produire toute sorte deffectz qui est chose repugnante
7
à mon voulloir porté par mon edict de paciffication et du tout contraire
8
à mon authorité et à ce que je desire ; car il remect à vous rendre responce
9
absolue de son intention après que les depputez quil a envoyé à
10
Montauban où il se faict une generalle assemblée de tous ceulx de leur
11
opinion seront retournez. Vous regarderez à dissoudre par vives
12
remonstrances et persuasions ceste societé sil vous est possible, sans
13
toutesfoys inover rien qui puisse aigrir et alterer leurs volluntez,
14
lesquelles il fault gracieusement recueillir, esperant comme ilz
15
cognoistront par bons effectz la sincerité de mon intention quilz se
16
separeront deux mesmes de toutes associations illicites. Je remectz le
17
tout à votre prudence, envoyant presentement aux gens tenantz ma court
18
de parlement à Grenoble mon edict de paciffication pour le faire
19
publier et veriffier comme il a esté sans aucune modiffication en celle
20
de ma bonne ville de Paris. Vous me demandez si vous ferez
21
desmandeler les villes et places que tiennent ceulx de la nouvelle oppinion,
22
si tant est quilz les remettent entre voz mains ? Je vous respondz
23
que je vouldrois que toutes les villes et places qui sont au-dedans
24
de mon royaume et non necessaires pour la seureté de mes frontières
25
feussent bien desmentelées et tellement ouvertes quelles ne peussent
26
jamays plus servir de reffuge et retraicte pour ceulx qui ont mauvaise
27
vollunté, comme elles ont faict et mesmement les dernières occuppées
28
en mon pays de Daulphiné. Partant, je vous prie en faire abbattre
29
et mectre par terre les murailles et forteresses si elles vous sont
30
remises, pourveu que vous cognoissiez que cela ne puisse engendrer
31
aucun trouble, jalouzie et meffiance entre mes subgetz et empescher
32
[150 v°] lestablissement de mon edict de paciffication, car en ce cas, il en
33
fauldroit user aultrement. Quant au payement des deux compagnies
34
de gens darmes qui ont servy près de vous, je vous ay mandé que
35
jentendois que les premiers deniers provenans des XXX m(ille] l[ivres], en vertu
36
de la commission qui vous a esté envoyée, y feussent employés, ayant
37
esté depescher à ceste intention. Je prie Dieu, monsieur de Gordes,
38
vous avoir en sa sainte garde. Escript à Paris le XIIIIe
39
jour daoust 1573.
40
Charles
41
De neufville s[ecretair]e